ക്രൂശിന്മേല്‍ ക്രൂശിന്മേല്‍ കാണുന്നതാരിതാ!
ക്രൂശിന്മേല്‍ ക്രൂശിന്മേല്‍ കാണുന്നതാരിതാ!
പ്രാണനാഥന്‍,പ്രാണനാഥന്‍, എന്‍പേര്‍ക്കായ് ചാകുന്നു.
1
ആത്മാവേ! പാപത്തിന്‍ കാഴ്ച നീ കാണുക!
ദൈവത്തിന്‍ പുത്രന്‍ ഈ ശാപത്തിലായല്ലോ!
2
ഇത്രമാം സ്നേഹത്തെ എത്രനാള്‍ തള്ളി ഞാന്‍
ഈ മഹാപാപത്തെ ദൈവമേ! ഓര്‍ക്കല്ലേ-
3
പാപത്തേ സ്നേഹിപ്പാന്‍ ഞാനിനി പോകുമോ?
ദൈവത്തിന്‍ പൈതലായ് ജീവിക്കും ഞാനിനി
4
കഷ്ടങ്ങള്‍ വന്നാലും നഷ്ടങ്ങള്‍ വന്നാലും
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
5
ശത്രുക്കള്‍ നിന്ദയും ദൂഷ്യവും ചൊല്ലുമ്പോള്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
6
പാപത്തിന്‍ ശോധന ഭീമമായ് വരുമ്പോള്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
7
ആപത്തിന്‍ ഓളങ്ങള്‍ ഭീമമായ് വരുമ്പോള്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
8
ശത്രുത്വം വര്‍ദ്ധച്ചാല്‍ പീഡകള്‍ കൂടിയാല്‍
ക്രൂശിന്മേല്‍ കാണുന്ന സ്നേഹത്തെ ഓര്‍ക്കും ഞാന്‍
9
ആത്മാവേ! ഓര്‍ക്ക നീ ഈ മഹാ സ്നേഹത്തെ
ദൈവത്തിന്‍ പുത്രന്‍ ഈ സാധുവേ സ്നേഹിച്ചു
By: മൂത്താമ്പക്കല്‍ സാധു കൊച്ചുകുഞ്ഞുപദേശി
From: Passion Week Songs