കാന്താ! താമസമെന്തഹോ!

കാന്താ! നിന്‍ വരവിന്നായ്

കാത്തിരുന്നെന്‍റെ മനം

വെന്തുരുകുന്നു കണ്ണും

മങ്ങുന്നെ മാനുവേലേ‌ (2)

കാന്താ...

                    1

വേഗത്തില്‍ ഞാന്‍ വരുന്നെന്നു

പറഞ്ഞിട്ടെത്ര

വര്‍ഷമതായിരിക്കുന്നു!

മേഘങ്ങളില്‍ വരുന്നെന്നു

പറഞ്ഞതോര്‍ത്തു

ദാഹത്തോടെയിരിക്കുന്നു

ഏക വല്ലഭനാകും

യേശുവേ! നിന്‍റെ നല്ല

ആഗമനം ഞാന്‍ നോക്കി

ആശയോടിരിക്കയാല്‍  (കാന്താ..)

                    2

ദുഃഖം നീ നോക്കുന്നില്ലയോ

എന്‍റെ വിലാപ-

ശബ്ദം നീ കേള്‍ക്കുന്നില്ലേയോ

തക്കം നോക്കീടുന്നില്ലയോ

പിശാചെന്മനം

വെക്കം ഹനിപ്പാനായയ്യോ!

തൃക്കണ്ണാലെന്നെ നോക്കി

ദുരിതങ്ങളാകെ പോക്കി

വെക്കം നിന്‍ മണവാട്ടി-

യാക്കിക്കൊള്ളുവാന്‍ പ്രിയ! (കാന്താ..)

Album: ദിവ്യ ഹൃദയം

Lyrics: റവ. യുസ്തൂസ് യോസഫ് (വിദ്വാന്‍ കുട്ടിയച്ചന്‍)