തുള്ളി തുള്ളി താരകങ്ങള്‍

തുള്ളി തുള്ളി താരകങ്ങള്‍ അണിനിരന്നകലെ

തിരുസുതനു കാണ്മാന്‍ -ഭൂവില്‍ 

നിറ മിഴികള്‍ ചിമ്മി മേലെ

നവരത്നങ്ങള്‍ വിതറിയപോല്‍

നഭസ്സതില്‍ വിളങ്ങി വന്ദ്യാല്‍ (2)

                            1

വെള്ളിമേഘ യവനിക ഇരുനിരയായ്‌ നീങ്ങി മാഞ്ഞു

വെള്ളിവിളക്കുകള്‍ നീലിമയില്‍ ദീപനാളം നിരത്തി (2)

പുല്‍മഞ്ചലതിലുണര്‍ന്നു കിടന്നു ദൈവതനുജനിതെല്ലാം കണ്ടു

എത്തിപ്പിടിക്കാന്‍ നീട്ടി കരങ്ങള്‍ വീണ്ടും വീണ്ടും താരത്തെ നേടാന്‍

തുള്ളി തുള്ളി താരകങ്ങള്‍ ആ.. ആ.. ആ..

                            2

മന്നിന്‍ പതിയാം മന്നവനെ മാനവലോകം വണങ്ങി

ഗോക്കള്‍ ഗോശാലയില്‍ ചെമ്മേ ശിരസ്സുകളാട്ടി വണങ്ങി (2)

സ്നേഹപരാഗം ജനത്തില്‍ വിതറും മേരിസുതനഹ തൃക്കണ്‍ പാര്‍ത്തു

മന്ദസ്മിതത്താല്‍ മന്ദം തഴുകി അനുഗ്രഹം ചൊരിഞ്ഞനവധി