രാരിരം പാടിയുറക്കാം താലോലം ആട്ടിയുറക്കാം

രാരിരം പാടിയുറക്കാം

താലോലം ആട്ടിയുറക്കാം

അരുതെന്നു ചൊല്ലുമോ നീ

വിണ്ണിലെ രാജകുമാരാ (രാരിരം)

                    1

വാനിലെ മാലാഖമാരൊന്നായ്‌

പാടിക്കളിക്കേണ്ടൊരുണ്ണിയല്ലേ (2)

തൂമഞ്ഞിന്‍ വിരിപ്പും ചൂടിയീപ്പാരില്‍ 

മെല്ലെയുറങ്ങുമീ ഓമനപ്പൈതല്‍ (2) (രാരിരം..)

                    2

ഈണം പകര്‍ന്നൊരു തമ്പുരുവില്‍

ഇടറുന്ന സ്വരധാരയില്‍ ഉയരും (2)

താരാട്ടു കേള്‍ക്കാതരുതെന്നു മുന്നേ നീ

ചൊല്ലീടുമോ വിണ്ണിന്‍ പൂമണിമുത്തേ (2) (രാരിരം..)

From Christmas Songs