കരുണയുള്ള നായകാ കനിവിന്നുറവിടമാണു നീ

കരുണയുള്ള നായകാ കനിവിന്നുറവിടമാണു നീ (2)

കാല്‍വരിമലയില്‍ രക്തം ചിന്തിയ

കാരുണ്യദീപമാണു നീ (കരുണയുള്ള..)

                        1

ഉടഞ്ഞു പോയൊരു പാത്രമല്ലേ ഞാന്‍

ഉണര്‍വ്വിന്‍റെ നാഥാ കാണുകില്ലേ നീ (2)

ഉയരങ്ങളിലേക്ക്‌ ഉയര്‍ത്തേണമേ

ഉയിര്‍ തന്ന നാഥാ കാത്തിടേണമേ (2) (കരുണയുള്ള..)

                        2

മനസ്സിനുള്ളിലെ മണ്‍ ചെരാതുമായ്‌

മൂകമായ്‌ ക്രൂശു തേടും പാപിയാണ് ഞാന്‍ (2)

മോചന പാതയില്‍ നടത്തേണമേ

മോക്ഷനാട്ടിലെത്തുവോളം നയിക്കേണമേ (2) (കരുണയുള്ള..)