രഹസ്യം രഹസ്യം ഉടയോനരുളി

സ്വര്‍ഗ്ഗാധി നാഥാ മഹത്വമണാളാ

സ്തോത്രം തിരുനാമത്തിനു നിത്യം

                    1

ഹാബേലാരെ തിരുബലിയാലെ

രൂപീകരിച്ചോ ആയതിവന്‍ താന്‍

ആചാര്യനായ മല്‍ക്കീസാദേക്ക്

പൂജിച്ചു വന്ന യാഗമിവന്‍ താന്‍ (സ്വര്‍ഗ്ഗാധി..)

                    2

തരുവില്‍ പിറന്ന കുഞ്ഞാടു മൂലം

ഇസ്സഹാക്കിനെയും വീണ്ടോനിവന്‍ താന്‍

മെസ്രോണ്‍ കടിഞ്ഞൂല്‍ വടിച്ചി-സ്രയേല്‍

ജനത്തെ രുധിരാല്‍ വീണ്ടോനിവന്‍ താന്‍ (സ്വര്‍ഗ്ഗാധി..)

                    3                    

ദേവാലയത്തില്‍ മഹിമ നിറഞ്ഞു

ആമോസു തനയന്‍ കണ്ടോനിവന്‍ താന്‍ 

ഏശായ നബിക്ക് ദൂതന്‍ കൊടുത്ത

പാവനമാം തീക്കനലുമിവന്‍ താന്‍ (സ്വര്‍ഗ്ഗാധി..)

                    4

ഹസ്ക്കീയെലാരെ നരരൂപിയായി

തേരില്‍ കണ്ടോ ആയതിവന്‍ താന്‍

നിബിയാര്‍ നിവാഹം തന്നാകമാനം

മുന്നറിയിച്ച ദൈവമിവന്‍ താന്‍ (സ്വര്‍ഗ്ഗാധി..)

                    5

ഏദനിലാദം രുചി നോക്കാത്ത

ജീവതരുവിന്‍ ഫലവുമിവന്‍ താന്‍

മരുഭൂമി തന്നില്‍ ഇസ്രേല്യര്‍ക്ക്

കൊടുത്തൊരു ഗഗന മന്നായിതു താന്‍ (സ്വര്‍ഗ്ഗാധി..)

                    6

ജ്ഞാനം പണിത ഗേഹത്തിലുള്ളോര്‍

തിന്നുകുടിക്കുന്നാ-ഹാരമിതുതാന്‍

വാങ്ങി ഭുജിപ്പിന്‍ കുടിപ്പീനെന്നു

ഈശായ ചോന്ന ഭക്ഷ്യമിതുതാന്‍ (സ്വര്‍ഗ്ഗാധി..)

                    7

മാളികയില്‍ വെച്ചേശു മശിഹാ

വാഴ്ത്തിക്കൊടുത്ത ഭോജനമിതുതാന്‍

സ്തുതി താതനും തന്‍ ജനകനും

സ്തുതി റൂഹായ്ക്കും എന്നേക്കുമാമേന്‍ (സ്വര്‍ഗ്ഗാധി..)

From: Holy Thursday Songs