പാടാം ഈ രാവില്‍ ഇനിയൊന്നായ് ഗ്ലോറിയാ

വരവായ് ജന്മസുകൃതമായ് മഹി തന്‍ അധിപതിയായ്

തിരുസുതന്‍ ജാതനായ്.. തിരുസുതന്‍ ജാതനായ് (പാടാം..)

                                        1

തമസ്സിലലയുന്ന മാനസങ്ങളില്‍ കിരണമായവന്‍ വന്നൂ

അരുണകിരണമായന്നുമിന്നുമവന്‍ കരുണ ചൊരിയുവാന്‍ വന്നൂ

പുതുയുഗപ്പിറവിയായ് പുതു പുലരി തന്‍ ശോഭയായ് (2) (വരവായ്..)

                                        2

തിരുസുതന്‍റെ തിരുമേനി കാണുവാന്‍ വാനവൃന്ദം നിരന്നു

ദേവസൂനുവിന്‍ ദര്‍ശനം തേടി ഇടയരും വന്നു ചേര്‍ന്നു

താളമേളങ്ങളോടെ നാമൊന്നായ് ചേര്‍ന്നു പാടാം (2) (വരവായ്..)