താ താ സുഖം പരനേ

                        പല്ലവി

താ താ സുഖം പരനേ-നിന്‍ ദാസനു (സിക്കു) നീ

                    അനുപല്ലവി

നാഥാ ദാസര്‍ക്കു നിത്യം നന്മ രക്ഷകള്‍ തന്നു

ഖേദം ഒഴിച്ചു കാത്തു-കൃപയെ പ്രകാശിപ്പിച്ചു- (താ..)

                     ചരണങ്ങള്‍

                              1

നീയല്ലാതാരു ശരണം-നിന്‍ മക്കള്‍ക്കു നീ

നേരെ വന്നേക-കരുണ താമസിക്കല്ലേ

കായം ധരിച്ചു ഭൂവില്‍-കഷ്ടങ്ങളെ വഹിച്ചു

ക്രൂശില്‍ മരിച്ചുയിര്‍ത്തു-മേവും കാരുണ്യവാനേ- (താ..)

                              2

ദോഷം ക്ഷമിക്ക നാഥനേ-പാപികള്‍ക്കുള്ള

ഖേദം ഒഴിക്ക നാഥനേ-ഇന്നേരം തിരു

തോഷം അരുളും കൃപ-സൂക്ഷ്മം അടിയാര്‍ കാണ്മാന്‍

സുഖം കല്പിച്ചീടണമേ-സന്തോഷകാരണനേ- (താ..)

                              3

ഭാഗ്യം തരും പരമനേ-അനുഗ്രഹങ്ങള്‍

ഭാഗ്യം ചെയ്യേണമിങ്ങുമെ-സ്തുതി നിനക്കു

യോഗ്യം ഇന്നും എന്നേയ്ക്കും-യോഗ്യം നിന്‍ കൃപമൂലം 

യോഗ്യം കീര്‍ത്തനം ചൊല്‍വാന്‍-ഇമ്മാനുവേലേ ഇപ്പോള്‍- (താ..)