ഉണര്‍വ്വിന്‍ പ്രഭുവേ ഉണര്‍വ്വിന്‍ രാജാ
ഉണര്‍വ്വിന്‍ പ്രഭുവേ ഉണര്‍വ്വിന്‍ രാജാ
വന്നീടണേ ദയവായ്‌ എഴകളിന്‍ സഭയില്‍ (2)
1
ഉറക്കത്തില്‍ കിടക്കും ജനം മറന്നു തിരുകൃപകള്‍ (2)
പൂര്‍വ്വപിതാക്കളില്‍ പകര്‍ന്ന നിന്‍ ഉണര്‍വ്വിനെ
പകരണം ആത്മനാഥാ (2) (ഉണര്‍വ്വിന്‍ ..)
2
വേട്ടയാല്‍ ഓടിത്തളര്‍ന്ന പേടമാന്‍ പോല്‍ ഇതാ ഞാന്‍ (2)
വരുന്നു ആദരവാല്‍ തിരുസവിധേ
ആശ്വാസദായകനേ (2) (ഉണര്‍വ്വിന്‍ ..)
3
ജീവിതക്ലേശങ്ങളാം വന്‍ മേടുകള്‍ കാണുമ്പോള്‍ (2)
തെല്ലും തളരാതെ ധൈര്യമായ്‌ ജീവിപ്പാന്‍
ശക്തി പകര്‍ന്നിടണേ (2) (ഉണര്‍വ്വിന്‍ ..)
4
ആകാശമേഘങ്ങളില്‍ ആരൂഢനായ്‌ വരുമ്പോള്‍ (2)
അങ്ങയെ മോദമായ്‌ സ്വാഗതം ചെയ്‌വാന്‍
ഞങ്ങളെ ഒരുക്കണമേ (2) (ഉണര്‍വ്വിന്‍ ..)