യെറുശലേം എന്‍ ഭവനം എപ്പോള്‍ കണ്ടീടുവേന്‍

യെറുശലേം എന്‍ ഭവനം

എപ്പോള്‍ കണ്ടീടുവേന്‍;

ഹാ! നിന്‍ നാമം മനോഹരം

എന്നങ്ങു ചേരുവേന്‍

                1

വൈഡൂര്യാദിയാം രത്നങ്ങള്‍

ആകുന്നടിസ്ഥാനം

സൂര്യകാന്തി ഗോപുരങ്ങള്‍

പാരം മനോഹരം

                2

വന്മതില്‍കള്‍ പൊന്‍വീഥികള്‍

സ്വച്ഛസ്ഫടികം പോല്‍

പ്രസന്നമാം വാതിലുകള്‍

ഈരാറു മുത്തുതാന്‍

                3

മോദമേറും ജീവനദി

നീളെ തിളങ്ങുന്നു

തീരേ നില്‍ക്കും വൃക്ഷം അതി

ആരോഗ്യം നല്‍കുന്നു

                4

കുളിരും ഉഷ്ണവും ഇല്ല,

ദാഹം ക്ഷുത്തും ഇല്ല

ശോകം രോഗം മൃതിയില്ല

രാവിരുള്‍ ഇല്ലല്ലോ

                5

പ്രവാചകര്‍ അപ്പൊസ്തലര്‍

വിശുദ്ധ സാക്ഷികള്‍

ശ്വേത വസ്ത്രം അണിഞ്ഞവര്‍

എന്നുമേ ധന്യന്മാര്‍

                6

യെറുശലേം എന്‍ ഭവനം

എപ്പോള്‍ കണ്ടീടുവേന്‍;

ഹാ! നിന്നില്‍ എന്‍ സമാധാനം

എന്നങ്ങു ചേരുവേന്‍