നന്ദിയാലെന്നുള്ളം തുള്ളുന്നേ

നന്ദിയാലെന്നുള്ളം തുള്ളുന്നേ 

വല്ലഭാ നിന്‍ കൃപയോര്‍ക്കുമ്പോള്‍

വര്‍ണ്ണിച്ചിടാന്‍ സാദ്ധ്യമല്ലത് 

എന്‍ ജീവിതത്തില്‍ ചെയ്ത ക്രിയകള്‍ 

                    1

കൊടും പാപിയായിരുന്നെന്നെ 

വന്‍ ചേറ്റില്‍ നിന്നും കയറ്റി 

ക്രിസ്‌തുവാകും പാറമേല്‍ നിര്‍ത്തി 

പുത്തന്‍ പാട്ടുമെന്‍റെ നാവില്‍ തന്നതാല്‍ 

                    2

വന്‍ ശോധനാവേളയില്‍ 

തീച്ചൂളയിന്‍ നടുവില്‍ 

ചാരത്തണഞ്ഞു രക്ഷിച്ച 

മമ കാന്തനെ നിന്‍  സ്‌നേഹമോര്‍ക്കുമ്പോള്‍

                    3

ഈ ലോകം തരാത്ത ശാന്തിയെന്‍ 

ഹൃത്തേ നിറച്ച സ്‌നേഹമായ് 

എന്നെന്നും കാത്തിടുന്നെന്നെ 

നിത്യ കാന്തയായ് തന്‍ കൂടെ വാഴുവാന്‍