യേശു ക്രിസ്തു ഉയിര്‍ത്തു ജീവിക്കുന്നു

ഹാ ഹല്ലേലുയ്യ ജയം ഹല്ലേലുയ്യ

യേശു കര്‍ത്താവ്‌ ജീവിക്കുന്നു

                       1

കൊല്ലുന്ന മരണത്തിന്‍ ഘോരതര

വിഷപ്പല്ല് തകര്‍ത്താകയാല്‍

ഇനി തെല്ലും ഭയമെന്യേ മൃത്യുവിനെ

നമ്മള്‍ വെല്ലുവിളിക്കുകയായ്‌ (ഹാ ഹല്ലേലുയ്യ..)

                       2

എന്നേശു ജീവിക്കുന്നായതിനാല്‍

ഞാനുമെന്നേയ്ക്കും ജീവിക്കയാം

ഇനി തന്നെ പിരിഞ്ഞൊരു ജീവിതമില്ലെനി-

ക്കെല്ലാം എന്നേശുവത്രേ (ഹാ ഹല്ലേലുയ്യ..)

                       3

മന്നിലല്ലെന്‍ നിത്യ വാസമെന്നേശുവിന്‍

മുന്നില്‍ മഹത്വത്തിലാം

ഇനി വിണ്ണില്‍ ആ വീട്ടില്‍ ചെന്നെത്തുന്ന നാളുകള്‍

എണ്ണി ഞാന്‍ പാര്‍ത്തിടുന്നു (ഹാ ഹല്ലേലുയ്യ..)