എന്‍റെ ദൈവത്താല്‍ എന്‍റെ ദൈവത്താല്‍

എന്‍റെ ദൈവത്താല്‍ എന്‍റെ ദൈവത്താല്‍ 

നിശ്ചയമനുഗ്രഹം പ്രാപിച്ചീടും ഞാന്‍ 

തന്‍റെ വചനം പോലെ ഞാന്‍ ചെയ്യും

തന്‍റെ വഴിയില്‍ തന്നെ നടക്കും (2)

                            1

ദേശത്തില്‍ ഞാന്‍ അനുഗ്രഹിക്കപ്പെടും

ജോലിയില്‍ ഞാന്‍ അനുഗ്രഹിക്കപ്പെടും (2)

എന്‍റെ വീട്ടില്‍ ആഹാരം കുറയുകയില്ല

ആവശ്യങ്ങളൊന്നുമേ മുടങ്ങുകില്ല (2)

                            2

എന്നെ എതിര്‍ക്കുന്ന ശത്രുക്കളെല്ലാം

ഛിന്നഭിന്നമായ്‌പ്പോകും എന്‍റെ ദൈവത്താല്‍ (2)

എന്‍റെ ആരോഗ്യം ദൈവദാനമല്ലോ 

എന്‍ ശരീരവും അനുഗ്രഹിക്കപ്പെടും (2)

                            3

ജീവിതപങ്കാളിയും എന്‍റെ മക്കളും

എന്‍റെ സമ്പത്തും അനുഗ്രഹിക്കപ്പെടും (2)

എന്‍റെ നന്‍മയ്‌ക്കായ് അവന്‍ സമൃദ്ധി നല്‍കും 

എന്നെ വിശുദ്ധജനം ആക്കിടും താന്‍ (2)

                            4

വായ്‌പ വാങ്ങാനിടവരികയില്ല 

കൊടുക്കുവാനോ ദൈവം സമൃദ്ധി നല്‍കും (2)

ഉയര്‍ച്ച തന്നെ എന്നും പ്രാപിക്കും ഞാന്‍ 

ഉന്നതങ്ങളില്‍ എന്നെ മാനിക്കും താന്‍ (2) (എന്‍റെ ദൈവത്താല്‍..)