അന്നൊരു നാള്‍ ബെത്ലെഹെമില്‍

ദൂതവൃന്ദം പാടുന്നു

ഋതേശന്‍ ജാതനായ്

ഈ ക്രിസ്ത്മസ് മൂലം മാനവന്‍

എന്നെന്നും ജീവിക്കും (2)

                    1

വന്നുദിച്ചൂ വെണ്‍ താരകം

പരന്നൂ പൊന്‍ കാന്തി

ആമോദത്തിന്‍ ഗീതകം

ശ്രവിച്ചീ ക്രിസ്ത്മസ് നാള്‍ (ദൂതവൃന്ദം..)

                    2

സകലലോകര്‍ക്കേറ്റവും   

സന്തോഷം നല്‍കീടും 

സുവിശേഷം ചൊല്ലാന്‍ മന്നിതില്‍

അണഞ്ഞീ ക്രിസ്ത്മസ് നാള്‍ (ദൂതവൃന്ദം..)

                    3

ഇരുളിലാഴ്ന്ന ലോകത്തില്‍

ഉദിച്ചു പൊന്‍ ദീപം

നവ ജന്മം നല്‍കും പ്രാണകന്‍ 

പിറന്നീ ക്രിസ്ത്മസ് നാള്‍ (ദൂതവൃന്ദം..)