ആകാശത്തിന്‍ മഹിമാവേ ആശ്രയം നീയെന്‍ യഹോവേ
ആകാശത്തിന്‍ മഹിമാവേ
ആശ്രയം നീയെന്‍ യഹോവേ
ദൈവമേ നീയെനിക്കെന്നുമെന്നും
നേര്‍വഴി കാട്ടേണമേ (ആകാശത്തിന്‍..)
1
ഭൂമിയില്‍ മേവുമെനിക്കെന്നുമേ
ക്ഷേമമരുളുന്നോരാട്ടിടയന്‍
പച്ചപ്പുല്‍തട്ടില്‍ ശയിപ്പിയ്ക്കും നീ
സ്വഛമാം പൂഞ്ചോല കാട്ടിടും നീ
ആകാശത്തിന്‍ മഹിമാവേ
2
നിന്‍ തിരുവുള്ളം നിറഞ്ഞിടുമീ
നീതിയാം പാതയില്‍ നിന്നിടുമ്പോള്‍ (2)
കൂരിരുള്‍താഴ്വര എത്തിയാലും
തീരെ ഭയമില്ലാ തമ്പുരാനേ.
ആകാശത്തിന്‍ മഹിമാവേ
3
ആരും കൊതിക്കും പദവിയുമീ
പാരിലെ ഭാഗ്യവും തന്നവന്‍ നീ (2)
എന്നാലും കര്‍ത്താവേ നീയെന്തിനായ്
എന്നെയൊരംഗവിഹീനയാക്കി (ആകാശത്തിന്‍..)
Malayalam christian song:Aakaasathin mahimave, aashrayam neeyen yahove
Lyrics: തിരുനയിനാര്‍ കുറിച്ചി മാധവന്‍ നായര്‍
Music: ബ്രദര്‍ ലക്ഷ്മണന്‍
Album: സ്നാപകയോഹന്നാന്‍ (ചലച്ചിത്രം)