ശുദ്ധര്‍ സ്തുതിക്കും വീടേ
ശുദ്ധര്‍ സ്തുതിക്കും വീടേദൈവ മക്കള്‍ക്കുള്ളാശ്രയമേ
പരിലസിക്കും സ്വര്‍ണ്ണത്തെരു വീഥിയില്‍
അതികുതുകാല്‍ എന്നു ഞാന്‍ ചേര്‍ന്നീടുമോ
വാനവരിന്‍ സ്തുതിനാദം
സദാ മുഴങ്ങും ശാലേമില്‍
എന്നു ഞന്‍ ചേര്‍ന്നീടുമോ - പരസുതനെ
എന്നു ഞാന്‍ ചേര്‍ന്നീടുമോ
1
മുത്തിനാല്‍ നിര്‍മ്മിതമായുള്ള
പന്ത്രണ്ടു ഗോപുരമേ
തവ മഹത്വം കണ്ടിട്ടങ്ങാനന്ദിപ്പാന്‍
മമ കണ്‍കള്‍ പാരം കൊതിച്ചിടുന്നേ (വാനവരിന്‍ സ്തുതിനാദം...)
2
അന്ധതയില്ല നാടെ
ദൈവതേജസ്സാല്‍ മിന്നും വീടെ
തവ വിളക്കാം ദൈവത്തിന്‍ കുഞ്ഞാടിനെ അളവെന്യെ
പാടി സ്തുതിച്ചീടും ഞാന്‍ (വാനവരിന്‍ സ്തുതിനാദം...)
3
കഷ്ടതയില്ല നാടെ
ദൈവഭക്തരിന്‍ വിശ്രമമെ
പുകള്‍ പെരുകും പുത്തന്‍ യെരുശലെമേ
തിരുമാര്‍വില്‍ എന്നു ഞാന്‍ ചേര്‍ന്നീടുമോ (വാനവരിന്‍ സ്തുതിനാദം...)
4
ശുദ്ധവും ശുഭ്രവുമായുള്ള
ജീവജല നദിയില്‍
ഇരുകരയും - ജീവ വൃക്ഷഫലങ്ങള്‍
പരിലസിക്കും ദൈവത്തിനുദ്യാനമേ (വാനവരിന്‍ സ്തുതിനാദം...)
5
കര്‍ത്തൃ സിംഹാസനത്തിന്‍
ചുറ്റും വീണകള്‍ മീട്ടീടുന്ന
സുര വരരെ - ചേര്‍ന്നങ്ങു പാടിടുവാന്‍
മോദം പാരം വളരുന്നഹൊ (വാനവരിന്‍ സ്തുതിനാദം...)