ഇഹത്തിലെ ദുരിതങ്ങള്‍ തീരാറായ്‌

വാനസേനയുമായ് വരും പ്രീയന്‍

വാനമേഘെ വരുമെല്ലാ

വരവേറ്റം സമീപമായ്‌ ഒരുങ്ങുക സഹജരെ

സ്വര്‍ഗ്ഗീയ മണവാളനെ എതിരേല്‍പാന്‍

                            1

അവര്‍ തന്‍റെ ജനം താന്‍ അവരോടു കൂടെ

വസിക്കും കണ്ണുനീരെല്ലാം തുടച്ചീടും നാള്‍

മൃത്യുവും ദുഃഖവും മുറവിളിയും തീരും

കഷ്ടതയും ഇനി തീണ്ടുകില്ല - (വാന..)

                            2

കൊടുങ്കാറ്റുവന്നു കടലിളകീടിലും

കടലലകളിലെന്നെ കൈവിടാത്തവന്‍

കരം തന്നു കാത്തു സൂക്ഷിച്ചരുമയായ്‌ തന്‍റെ

വരവിന്‍ പ്രത്യാശയോടെ നടത്തിടുമേ - (വാന..)

                            3

തന്‍ കൃപകളെന്നുമോര്‍ത്തു പാടിടും ഞാന്‍

തന്‍റെ മുഖ ശോഭനോക്കി ഓടിടും ഞാന്‍

പെറ്റതള്ള കുഞ്ഞിനെ മറന്നീടിലും

എന്നെ മറക്കാത്ത മന്നവന്‍ മാറാത്തവന്‍ - (വാന..)