വന്നിടേണം യേശുനാഥാ! ഇന്നീയോഗമദ്ധ്യേ നീ

                                    1

വന്നിടേണം യേശുനാഥാ! ഇന്നീയോഗമദ്ധ്യേ നീ

തന്നരുള്‍ക നിന്‍ വരങ്ങള്‍ നിന്‍സ്തുതി കൊണ്ടാടുവാന്‍

                                    2

മന്നിടത്തില്‍ വന്ന നാഥാ! പൊന്നുതിരുമേനിയേ!

നന്ദിയോടിതാ നിന്‍ ദാസര്‍ വന്നുകൂടുന്നേ മുമ്പില്‍

                                    3

താതനേ! കൃപാനിധേ! ശ്രീയേശുനാമം മൂലമേ

തന്നിടേണം ആത്മദാനം പ്രാര്‍ത്ഥന ചെയ്തീടുവാന്‍

                                    4

വേദവാക്യങ്ങളെ ഇന്നു മോദമോടുള്‍ക്കൊള്ളുവാന്‍

താതനേ! തുറക്കയെങ്ങളുള്ളത്തെ തൃക്കൈകളാല്‍

                                    5

പാപമൊക്കെയേറ്റുചൊന്നു മോചനം ലഭിച്ചിടാന്‍

പാപബോധമേകിയിന്നനുഗ്രഹിക്ക ദൈവമേ!

                                    6

ഇന്നു നിന്‍ തിരുവചനം ഘോഷിക്കും നിന്‍ ദാസനും

നിന്നനുഗ്രഹ നിറവിന്‍ ശക്തിയെ നല്‍കീടണം