ദൈവത്തെ മറന്നു കുഞ്ഞേ ജീവിക്കരുതേ

ദൈവത്തെ മറന്നു കുഞ്ഞേ ജീവിക്കരുതേ

ദൈവമല്ലേ ജീവിതത്തില്‍ നിന്‍റെ സര്‍വ്വവും

കുഞ്ഞുനാളില്‍ പഠിച്ചതെല്ലാം മറന്നു പോയോ?

വിശ്വാസത്തിന്‍ ദീപമെല്ലാം അണഞ്ഞു പോയോ?

പൊന്നു കുഞ്ഞേ ദൈവസ്നേഹം മറന്നിടല്ലേ

ദൈവമാല്ലാതാരു നിന്നെ രക്ഷിക്കാനുള്ളൂ (ദൈവത്തെ മറന്നു..)

                                1

നിന്‍റെ കുഞ്ഞിക്കവിളുകളില്‍ മുത്തങ്ങള്‍ നല്‍കി

ആത്മാവിന്‍റെ വീണ മീട്ടി നിന്നെത്തഴുകി (2)

ആരീരാരം പാടിപ്പാടി നിന്നെ ഉറക്കി

നെഞ്ചുണര്‍ത്തും ചൂടു നല്‍കി നിന്നെ വളര്‍ത്തി 

ഇത്ര നല്ല ദൈവത്തെ നീ മറന്നു പോയോ? (ദൈവത്തെ മറന്നു..)

                                2

ലോകസുഖമോഹമെല്ലാം കടന്നു പോകും

മാനവന്‍റെ നേട്ടമെല്ലാം തകര്‍ന്നു വീഴും (2)

ദൈവത്തെ നീ ആശ്രയിച്ചാല്‍ രക്ഷ നേടീടും

ഈ ലോകത്തില്‍ ധന്യമാകും നിന്‍റെ ജീവിതം

ദൈവം നല്‍കും ദിവ്യസ്നേഹം എത്ര സുന്ദരം (ദൈവത്തെ മറന്നു..)

Lyrics : ബേബിജോണ്‍ കലയന്താനി

Music : പീറ്റര്‍ ചേരാനല്ലൂര്‍

Album : ലോര്‍ഡ്‌ ജീസസ്സ്