നമുക്കഭയം ദൈവമത്രേ

നമുക്കഭയം ദൈവമത്രേ

മനുഷ്യഭയം വേണ്ടിനിയും (2)

                    1

എന്നും നല്‍സങ്കേതം ദൈവം

തന്നു നമ്മെ കാത്തിടുന്നു

മണ്ണും മലയും നിര്‍മ്മിച്ചതിലും

മുന്നമേ താന്‍ വാഴുന്നു (2) (നമുക്കഭയം..)

                    2

രാവിലെ തഴച്ചു വളര്‍ന്നു

പൂവിടര്‍ന്ന പുല്ലു പോലെ

മേവിടുന്ന മനുഷ്യര്‍ വാടി

വീണിടുന്നു വിവശരായ് (നമുക്കഭയം..)

                    3

ചേരും മണ്ണില്‍ പൊടിയിലൊരുനാള്‍

തീരും മനുഷ്യമഹിമയെല്ലാം

വരുവിന്‍ തിരികെ മനുഷ്യരെയെ-

ന്നരുളി ചെയ്യും വല്ലഭന്‍ (നമുക്കഭയം..)

                    4

നന്മ ചെയ്തും നാട്ടില്‍ പാര്‍ത്തും

നമുക്കു ദൈവ സേവ ചെയ്യാം

ആശ്രയിക്കാം അവനില്‍ മാത്രം

ആഗ്രഹങ്ങള്‍ തരുമവന്‍ (2) (നമുക്കഭയം..)

                    5

നിത്യനാട് നോക്കി നമ്മള്‍ 

യാത്ര ചെയ്യുന്നിന്നു മന്നില്‍

എത്തും വേഗം നിശ്ചയം നാം

പുത്തന്‍ ശാലേം പുരമതില്‍ (2) (നമുക്കഭയം..)

Lyrics: എം. ഇ. ചെറിയാന്‍