യാക്കോബിന്‍ ദൈവം എന്‍റെ ദൈവം
യാക്കോബിന്‍ ദൈവം എന്‍റെ ദൈവം
യിസഹാക്കിന്‍ ദൈവം എന്‍റെ ദൈവം (2)
ആരാധിപ്പാന്‍ ശക്തന്‍ സ്തുതിച്ചിടാന്‍ യോഗ്യന്‍ (2)
ഈ ദൈവത്തെ നമുക്കിന്ന് ആരാധിക്കാം
യാഹെന്ന ദൈവത്തെ ആരാധിച്ചിടാം
നമുക്കാരാധിക്കാം നമുക്കാരാധിക്കാം
അവന്‍ വിളിച്ചാല്‍ കേള്‍ക്കുന്ന ദൈവമല്ലോ
നമുക്കാരാധിക്കാം നമുക്കാരാധിക്കാം
അവന്‍ പാപങ്ങള്‍ പോക്കുന്ന ദൈവമല്ലോ (2)
1
ദൈവം നല്‍കിയ ദാനങ്ങളെ
ഓര്‍ത്ത്‌ നിത്യം നമിച്ചിടാം
ദൈവം നടത്തിയ പാതകളെ
കണ്ടുമോദാല്‍ വാഴ്ത്തിടാം
നമ്മെ കരം പിടിച്ചനുദിനം നടത്തുന്ന വിധങ്ങളെ
സ്തുതിച്ച് നിത്യം ആരാധിക്കാം (2)
ഈ ലോക യാത്രയില്‍ തളരാതെ മുന്നേറാന്‍
യാഹെന്ന ദൈവത്തെ ആരാധിച്ചിടാം (2) (നമുക്കാരാധിക്കാം..)
2
ശത്രുവിന്‍ കൈയ്യില്‍ അകപ്പെടാതെ
കരുതിയ നാഥനെ നമിച്ചിടാം
രോഗപീഡയില്‍ തളര്‍ന്നിടാതെ
താങ്ങിയ കര്‍ത്തനെ വാഴ്ത്തിടാം
നമ്മെ തിരുരക്തത്താലെന്നും കഴുകി തലോടുന്ന
കരങ്ങളെ ഓര്‍ത്തെന്നും സ്തുതിച്ചിടാം (2)
വീണ്ടും വരാമെന്ന വാഗ്ദത്തമേകിയ
യാഹെന്ന ദൈവത്തെ ആരാധിച്ചിടാം (2) (നമുക്കാരാധിക്കാം..)