എന്‍റെ പ്രാണ സഖി യേശുവേ
എന്‍റെ പ്രാണ സഖി യേശുവേ
എന്‍റെ ഉള്ളത്തിന്‍ ആനന്ദമേ
എന്നെ നിന്‍ മാർവിങ്കൽ ചേർപ്പാനായ്‌
വന്നിതാ ഇപ്പോൾ നിൻ പാദത്തിൽ
പറക പറക ഞാന്‍ പ്രാര്‍ത്ഥിക്കുമ്പോൾ
കര്‍ത്താവെ ഈ നീച പാപിക്കു
പ്രേമ ഹിതത്തെ നീ കാട്ടുക (2)
1
നിന്നെ സ്നേഹിക്കുന്ന മക്കൾക്കു
ഉള്ളതാം എല്ലാ പദവികളും
അടിയാനും തിരിച്ചറിവാന്‍
അപ്പനേ ബുദ്ധിയെ തെളിക്ക (പറക..)
2
ഏലിയ എലീശ പ്രവരർ
ബലമായ്‌ ചെയ്ത ക്രിയകൾ കാണ്മാൻ
എലോഹിം എന്നെയും ഒരുക്ക
വേല നിന്നുടെയെന്നോര്‍ക്കുക (പറക..)
3
പാപികൾക്കു നിന്‍റെ സ്നേഹത്തെ
എന്‍റെ ശീലത്തിൽ ഞാൻ കാട്ടുവാൻ
കാല്‍വരീ മലമേൽ കാണിച്ച
അൻപിൻ ശീലം പകര്‍ന്നീടുക (പറക..)
4
എന്‍റെ ആയുസിന്‍റെ നാളെല്ലാം
നീ പോയ വഴിയേ പോകുവാന്‍
ആശയോടേശുവേ എന്നെ ഞാന്‍
ജീവ ബലിയായി നല്‍കിടുന്നേ (പറക..)
Lyrics: ജോണ്‍ ഈശോ