യേശുവേ കരുണാസനാ മഹാ

യേശുവേ കരുണാസനാ മഹാ-

ദോഷി ഞാനയ്യോ

കൃപ തോന്നണമയ്യോ

                            1

നീചനാമെന്‍ ദുരിതങ്ങളെ-നോക്കണമിതാ

കൂടെ പാര്‍ക്കണം സദാ

                            2

ലോകം ജഡം പിശാചു വളരെ-കേടു ചെയ്യുന്നു

കൃപ തേടുന്നേന്‍ ഇന്നു

                            3

കഠിന പാപച്ചുമടു നീക്കും- കരുണയുള്ളവാ

കൃപ തരണം നല്ലവാ

                            4

ദുഷ്ടശീലമെന്നില്‍ നിന്നു-വിട്ടകറ്റണം

പുതുസൃഷ്ടിയാക്കണം.

                            5

പരിശുദ്ധാത്മാവായ ദൈവം-വന്നു പാര്‍ക്കണം

എന്നെ, എന്നും-കാക്കണം

                            6

മരണം വരെയും കരുണയോടെ കാത്തരുളണം

കൃപ തന്നു പോറ്റണം

                            7

നിന്‍റെ രാജ്യം തന്നിലെന്നെ-ഓര്‍ത്തു കൊള്ളണം

എന്നും ചേര്‍ത്തുകൊള്ളണം (യേശുവേ..)