കനിവിന്‍ കരങ്ങള്‍ നീട്ടേണമേ
കനിവിന്‍ കരങ്ങള്‍ നീട്ടേണമേ
അലിവായ് നീ എന്നില്‍ നിറയേണമേ (2)
അകതാരിലെ എന്‍റെ അകൃത്യങ്ങളെല്ലാം
അകറ്റേണമേ എന്നെ കഴുകേണമേ (2) (കനിവിന്‍..)
1
ഇരുള്‍ നിറഞ്ഞീടുന്ന താഴ്വരയില്‍ വന്ന്
ഇരുളാകെ നീക്കുന്ന നല്ലിടയാ (2)
മനം നൊന്തു കേഴുമ്പോള്‍
ഹൃദയം തകരുമ്പോള്‍
മനസ്സലിവിന്‍ നാഥാ സുഖമേകണേ (2) (കനിവിന്‍..)
2
ഭാരങ്ങള്‍ ഏറുന്ന ഈ മരുയാത്രയില്‍
ഭാരം വഹിക്കുന്ന സര്‍വ്വേശ്വരാ (2)
ആഴിയിന്‍ അലകളാല്‍
തോണി ഉലയുമ്പോള്‍
അഖിലാണ്ഡ നാഥാ അരികില്‍ വരൂ (2) (കനിവിന്‍..)
3
രോഗങ്ങളാല്‍ ദേഹം തളര്‍ന്നിടും വേളയില്‍
രോഗ സൗഖ്യം നല്‍കും സ്നേഹരൂപാ (2)
വൈരികള്‍ ഏറുമ്പോള്‍
വഴികള്‍ അടയുമ്പോള്‍
വിടുതലിന്‍ ദൈവമേ തുണയേകണേ (2) (കനിവിന്‍..)