സ്നേഹത്തിന്‍ ഇടയനാം യേശുവേ

യേശുനാഥാ ഞങ്ങള്‍ക്കു നീയല്ലാതാരുമില്ലാ

യേശുനാഥാ നീയല്ലാതാരുമില്ല

                        1

സാധുക്കള്‍ക്കായ് വലഞ്ഞലഞ്ഞതും

ആടുകള്‍ക്കായ്‌ ജീവന്‍ വെടിഞ്ഞതും

പാടുകള്‍ പെട്ടതും ആര്‍നായകാ

നീയല്ലാതാരുമില്ലാ (യേശു..)

                        2

നീക്കിടുവാന്‍ എല്ലാ പാപത്തെയും

പോക്കിടുവാന്‍ സര്‍വ്വ ശാപത്തേയും

കോപാഗ്നിയും കെടുത്തിടാന്‍കര്‍ത്താ

നീയല്ലാതാരുമില്ലാ (യേശു..)

                        3

അറിവാന്‍ സ്വര്‍ഗ്ഗപിതാവിനെയും

പ്രാപിപ്പാന്‍ വിശുദ്ധാത്മാവിനെയും

വേറൊരു വഴിയുമില്ല നാഥാ

നീയല്ലാതാരുമില്ലാ (യേശു..)

                        4

സഹിപ്പാന്‍ എന്‍ ബുദ്ധിഹീനതയും

വഹിപ്പാന്‍ എന്‍ എല്ലാ ക്ഷീണതയും

ലാളിപ്പാന്‍ പാലിപ്പാന്‍ ദൈവപുത്രാ

നീയല്ലാതാരുമില്ലാ (യേശു..)

                        5

സത്യവിശ്വാസത്തെക്കാത്തീടുവാന്‍

നിത്യം നിന്‍ കീര്‍ത്തിയെ പാടീടുവാന്‍

ഭൃത്യന്മാരില്‍ കൃപ തന്നീടുക

നീയല്ലാതാരുമില്ലാ (യേശു..)

                        6

ദൈവമഹത്വത്തില്‍ താന്‍വരുമ്പോള്‍

ജീവകിരീടത്തെ താന്‍ തരുമ്പോള്‍

അപ്പോഴും ഞങ്ങള്‍ പാടീടും നാഥാ

നീയല്ലാതാരുമില്ലാ (യേശു..)