വഞ്ചക നെഞ്ചെന്നില്‍-നിന്നകറ്റി

വഞ്ചക നെഞ്ചെന്നില്‍-നിന്നകറ്റിപ്പുതു

നെഞ്ചടിയാനരു-ളേണമേ വേഗമേ ദൈവശുദ്ധാത്മാ

                            1

വഞ്ചകപ്പേ കുടി-കൊണ്ടുദിനം പ്രതി

പഞ്ചമാപാതക-ചിന്തയുണ്ടാക്കുന്നാന്‍ (വഞ്ചക..)

                            2

കാമം കോപം പക-ഡംഭം ചതിവെന്നില്‍

താമസിക്കാതെ അ-കറ്റുക വല്ലഭാ (വഞ്ചക..)

                            3

കള്ളസമാധാനം-തോന്നാതിരിപ്പാനും

ഉള്ളകുറ്റം-തെളിവായിക്കണ്ടീടാനും (വഞ്ചക..)

                            4

ജഡമോഹങ്ങള്‍ ജയി-ക്കാതിരിപ്പാനും

അടങ്ങിത്തോറ്റു ന-ശിക്കാതിരിപ്പാനും (വഞ്ചക..)

                            5

രക്ഷകന്‍ യേശുവിന്‍ ചിന്തയെന്നില്‍ തന്നു

രക്ഷിച്ചെന്നെ ജനി-പ്പിക്ക നീ വീണ്ടുമേ (വഞ്ചക..)