ഭാഗ്യനാട്ടിൽ പോകും ഞാൻ

                    1

ഭാഗ്യനാട്ടിൽ പോകും ഞാൻ

എന്‍റെ ഭാഗ്യനാട്ടിൽ പോകും ഞാൻ

ഭാഗ്യനാട്ടിൽ ചെന്നു ശുദ്ധരോടൊത്തു ഞാൻ

യേശുവെ വാഴ്ത്തിടുമേ (2)

                    2 

മായ ഇന്‍പം വിടുന്നേ - എന്‍റെ

ലോക സുഖങ്ങളെല്ലാം 

നായകനാം എന്‍റെ മന്നനെ ഓർത്തു ഞാൻ

തൻ തിരുനാമത്തിനായ് (2) 

                    3

സ്വർഗ്ഗഭാഗ്യം ഓർക്കുമ്പോൾ - എന്‍റെ

ഉള്ളമാ‍നന്ദിക്കുന്നേ

തുള്ളിക്കളിച്ചെന്‍റെ സന്തോഷരാജ്യത്തിൽ

വേഗം ഞാൻ ചേർന്നിടുമേ (2)

                    4

ഓരോ ദിവസവും ഞാൻ

എന്‍റെ - പ്രിയനെ നോക്കിക്കൊണ്ട്

നേരായ പാതയിൽ സേവനം ചെയ്തു തൻ

മാർവോടണഞ്ഞിടുമേ (2) (ഭാഗ്യനാട്ടിൽ ..)