എന്നാത്മാവേ നിന്നെയും

                1

എന്നാത്മാവേ നിന്നെയും

മറ്റു സൃഷ്ടി സര്‍വ്വവും

ഭംഗിയായുണ്ടാക്കിയ

ദൈവത്തെ സ്തുതിക്കുക

                2

പാപത്തില്‍ നിന്നും നിന്നെ

രക്ഷ ചെയ്ത ദൈവത്തെ

നന്ദിയാല്‍ ദിനേ ദിനേ

സ്തോത്രം നീ ചെയ്യേണമേ

                3

നന്മ ചെയ്തെന്നും നിന്നെ,

നല്ല പോലെ കാക്കുന്നേ,

ഈ മഹാകാരുണ്യത്തെ

ഓര്‍മ്മിച്ചെന്നും വാഴ്ത്തുകേ

                4

ഇന്‍പ തുന്‍പ കാലത്തും

ജീവന്‍ പോകും നേരത്തും

ദൈവം താന്‍ സങ്കേതമേ

സ്തോത്രം ചെയ്ക ഉള്ളമേ