തരളിതമായൊരു ഹൃദയം

തരളിതമായൊരു ഹൃദയം

തരണേ അടിയനു ദേവാ..

തനുവിതുതളരുന്നേറ്റം

തരുവായ്‌ തണലായ്‌ നില്‍ക്ക

തവതിരുനിനവില്‍ തരളിതമാം ഹൃദയം

തരണേ അടിയനു ദേവാ (തരളിത..)

                    1

തമസ്സിന്‍ താണ്ഡവമടിയാര്‍ക്ക്

താങ്ങാനാവുന്നില്ലയ്യോ

താമസമെന്തേ വന്നീടുവാന്‍

താണുവണങ്ങുന്നീയടിയാര്‍

തായിന്‍ മടിയില്‍ തലചായ്ക്കും

തനയര്‍ അടിയര്‍ തള്ളരുതേ (തരളിത..)

                    2

താരകള്‍ നവമായ്‌ മനസ്സില്‍ വിരിയാന്‍

താതാ കനിയണമെന്നും

താവകകൃപയിന്‍ സാന്ത്വനനൂലാല്‍

താതാ ഞങ്ങളെ ബന്ധിക്ക

തേജോരൂപം കണ്ണിനു കുളിരായ്

താരായ്‌ തളിരായ്‌ മേവിടണേ (തരളിത..)