എന്‍റെ ദൈവം സര്‍വ്വശക്തനല്ലോ

എന്‍റെ ദൈവം സര്‍വ്വശക്തനല്ലോ

സര്‍വ്വജ്ഞാനിയല്ലോ സര്‍വ്വവ്യാപിയല്ലോ (2)

                            1

വാനവും ഭൂമിയും താരാപഥങ്ങളും

സര്‍വ്വം ചമച്ചവന്‍ ദൈവമല്ലോ (2)

സര്‍വ്വചരാചര സൃഷ്ടിതാവും

പരിപാലകനും എന്‍റെ ദൈവമല്ലോ (2) (എന്‍റെ ദൈവം..)

                            2

അന്ധനു കാഴ്ചയും ബധിരനു കേള്‍വിയും

മുടന്തനു കാല്‍കളും ദൈവമല്ലോ (2)

ഊമനു ശബ്ദവും രോഗിക്ക് സൗഖ്യവും 

പാപിക്കു രക്ഷയും ദൈവമല്ലോ (2) (എന്‍റെ ദൈവം..)

                            3

ശൈലവും കോട്ടയും പരിചയും ബലവും

സങ്കേതവും ആത്മ സ്നേഹിതനും (2)

മാറ്റമില്ലാത്തവന്‍ വാക്കു മാറാത്തവന്‍

വിശ്വസ്തനും എന്‍റെ ദൈവമല്ലോ (2) (എന്‍റെ ദൈവം..)

                            4

കൃപയും നീതിയും കരുണയും ന്യായവും

ദയയും ഉള്ളവന്‍ ദൈവമല്ലോ (2)

ധനവും മാനവും കീര്‍ത്തി പുകഴ്ചയും

സകലവും ദൈവത്തിന്‍ ദാനമല്ലോ (2) (എന്‍റെ ദൈവം..)