നിന്‍ സന്നിധി അണയുന്നു
നിന്‍ സന്നിധി അണയുന്നു
നിന്‍ ശബ്ദം കേള്‍ക്കുന്നു
നല്‍കിടുന്നെന്‍ മാനസം
സ്വീകരിക്കെന്‍ ജീവിതം (2)
1
സ്വന്തമായ്‌ നല്‍കീടുവാന്‍ ഒന്നുമില്ലെന്‍ കൈകളില്‍
ദേഹം ദേഹിയും നല്‍കിടാം കുഞ്ഞുഹൃദയവുമേകിടാം (2)
ആയുസേകും നാള്‍കളെല്ലാം നിന്‍ഹിതം അറിഞ്ഞിടാന്‍
സമ്പൂര്‍ണ്ണമായ്‌ എന്നെ നല്‍കിടുന്നു (നിന്‍..)
2
സ്വന്ത ജീവരക്തമേകി വീണ്ടെടുത്തു എന്നെ നീ
ജീവസാക്ഷിയായ്‌ തീര്‍ന്നിടാം ക്രൂശെ നോക്കി ജീവിക്കാം (2)
തിരുഹിതമറിഞ്ഞു ഞാന്‍ നിന്‍ പാതേ ഗമിച്ചിടാന്‍
സമ്പൂര്‍ണ്ണമായ്‌ എന്നെ നല്‍കിടുന്നു (നിന്‍..)
Lyrics & Music: കുരിശുമുട്ടം സെല്‍വരാജ്