കര്‍ത്താവില്‍ നാം സന്തോഷിപ്പിന്‍ സന്തോഷിച്ചിടിന്‍

കര്‍ത്താവില്‍ നാം സന്തോഷിപ്പിന്‍ സന്തോഷിച്ചിടിന്‍

എല്ലായ്പ്പോഴും തന്‍ നാമം നാം ആരാധിച്ചീടാം

തപ്പിനോടും നൃത്തത്തോടും കിന്നരത്തോടും

സ്തോത്രഗീതം പാടി വാഴ്ത്താം ആനന്ദത്തോടെ

യോഗ്യനാണവന്‍ നിത്യം യോഗ്യനാണവന്‍

കീര്‍ത്തനങ്ങള്‍ പാടിവാഴ്ത്താന്‍ യോഗ്യനാണവന്‍

                                1

മാരിവില്ലിന്‍ ശോഭവെല്ലും സൂര്യതേജസ്സാണവന്‍

കാണുമീ പ്രപഞ്ചമെല്ലാം തന്‍ കരത്തിന്‍ ചാതുര്യം

കാലമെത്രയേറിയാലും ലോകമാകെ മാറിയാലും

മാറുമോ തന്‍ വന്‍ പ്രതാപം ലേശവും മഹാശ്ചര്യം (തപ്പി..)

                                2

ഏകനാം തന്‍ പുത്രനെയീ പാരിലേക്കയച്ചതാം

ഏക ദൈവത്തിന്‍റെ സ്നേഹം ഏവരും പുകഴ്ത്തിടാം

ക്രൂശിലെ തന്‍ ചോരയാലെ സര്‍വ്വപാപം പോക്കിനമ്മെ

നിത്യ ജീവനംശിയാക്കി തീര്‍ത്തതാല്‍ നാമുല്ലസിക്കാം - (തപ്പി..)