തുണതേടി അലയുമീ പാപി ഞാന്‍

തുണതേടി അലയുമീ പാപി ഞാന്‍ പാപി ഞാന്‍

നിന്‍ തിരുക്കരം നീട്ടി നീ താങ്ങണേ ദേവനേ (2)

                    1

ഇരുളില്‍ വാതായനം തേടി ഞാന്‍

അതിലൊളിയമ്പുകള്‍ കണ്ടോടി ഞാന്‍ (2)

എന്‍ പാപക്കറകള്‍ നീ നീക്കി

മാറോടണച്ചു തലോടീ.. ദയയേകു ഇനിമേല്‍

പദതാരിലടിയന്‍.. 

ശരണം.. ശരണം.. നാഥാ (തുണതേടി..)

                    2

അകതാരിലായിരം മോഹങ്ങള്‍

തിന്മക്കസവേകുമായിരം പാപങ്ങള്‍

കനലേറ്റു വാടും എന്‍ ഹൃദയം

തണലേറ്റു വാഴാന്‍ എന്‍ ഉള്ളം

കൊതിക്കുന്നെന്നാളും തുടിക്കുന്നെന്‍ മാനസം

ശരണം ശരണം നാഥാ.. (തുണതേടി..)