രാവും പകലും ഗീതങ്ങള്‍ പാടി

രാവും പകലും ഗീതങ്ങള്‍ പാടി

പവിത്ര ജീവിത ശോഭയെ നേടി

ശൂലേമിയെപ്പോല്‍ കാത്തിരിക്ക നീ

കാന്തന്‍ വരുമേ ഉണരൂ സീയോനേ (2)

                    1

വീടും വയലും തോട്ടവുമെല്ലാം

നേടുവാനുള്ള സമയമിതല്ലാ (2)

കാടും മലയും ആവലോടോടി

നേടുക നീ ആത്മാക്കളെയും (2) (രാവും..)

                    2

കാലമേറെ ചെല്ലുവതില്ല

നാളെയെന്നത് നിനക്കുള്ളതല്ല (2)

കാലത്തികവില്‍ കാന്തന്‍ വന്നീടും

കാത്തിരിക്ക നീ ശൂലേമിയാളേ (2) (രാവും..)

                    3

ഭരണ-കൂടങ്ങള്‍ തകരുവതെന്ത്‌?

അരചവാഴ്ചയും നീങ്ങുവതെന്ത്‌? (രാവും..)

ഭരണമേശു താന്‍ ഏറ്റിടുവാനായ്‌

ത്വരിതമായതിന്‍ വഴിയൊരുക്കല്ലോ (2) (രാവും..)