ശ്രീയേശു നാമം അതിശയനാമം

ശ്രീയേശു നാമം അതിശയനാമം

ഏഴയെനിക്കിമ്പനാമം

1. എല്ലാ നാമത്തിലും മേലായ നാമം

   ഭക്തജനം വാഴ്ത്തും നാമം

   എല്ലാ മുഴങ്കാലും മടങ്ങും തന്‍ തിരുമുമ്പില്‍ -

   വല്ലഭത്വം ഉള്ള നാമം -- ശ്രീയേശു..

2. എണ്ണമില്ലാപാപം എന്നില്‍ നിന്നും നീക്കാന്‍ -

   എന്‍ മേല്‍ കനിഞ്ഞ നാമം

   അന്യനെന്ന മേലെഴുത്തു എന്നേയ്ക്കുമായ് മായ്ച്ചു തന്ന

   ഉന്നതന്‍റെ വന്ദ്യ നാമം -- ശ്രീയേശു..

3. ഭൂതബാധിതര്‍ക്കും നാനാവ്യാധിക്കാര്‍ക്കും

   മോചനം കൊടുക്കും നാമം

   കുരുടര്‍ക്കും മുടന്തര്‍ക്കും കുഷ്ഠരോഗികള്‍ക്കും എല്ലാം

   വിടുതല്‍ നല്‍കും നാമം -- ശ്രീയേശു..

4. പാപപരിഹാരം പാതകര്‍ക്കു നല്‍കാന്‍

   പാരിടത്തില്‍ വന്ന നാമം

   പാപമറ്റ ജീവിതത്തിന്‍ മാതൃകയെ കാട്ടിത്തന്ന -

   പാവനമാം പുണ്യനാമം -- ശ്രീയേശു..