കണ്ണുനീര്‍ കാണുന്ന എന്‍റെ ദൈവം

കലങ്ങുകില്ല ഞാന്‍ ഭ്രമിക്കയില്ല

തളരുകില്ല ഞാന്‍ തകരുകില്ല

പ്രാര്‍ത്ഥന കേട്ടവന്‍ വിടുവിച്ചിടും

ആനന്ദമായവന്‍ വഴി നടത്തും

                            1

സിംഹത്തിന്‍ ഗുഹയില്‍ ഇറങ്ങിയ ദൈവം

പ്രാര്‍ത്ഥനയ്ക്കുത്തരം നല്‍കിടുമേ

വൈരികളെനിക്കെതിരായ്‌ വരുമ്പോള്‍

വചനമയച്ചെന്നെ ബലപ്പെടുത്തും (കലങ്ങുകില്ല..)

                            2

മോറിയ മലയിലെ യാഗഭൂമിയതില്‍

ദൈവീക ദര്‍ശനം കണ്ടതുപോല്‍

പരീക്ഷകള്‍ നിരന്തരം ഉയര്‍ന്നിടുമ്പോള്‍

അത്ഭുത ജയം നല്‍കി പരിപാലിക്കും (കലങ്ങുകില്ല..)

                            3

ചെങ്കടലില്‍ വഴി ഒരുക്കിയ ദൈവം

ജീവിതയാത്രയില്‍ വഴി ഒരുക്കും

വാഗ്ദത്തമഖിലവും നിവര്‍ത്തിച്ച നാഥന്‍

വാക്കുമാറാതെന്നെ അനുഗ്രഹിക്കും (കലങ്ങുകില്ല..)