ദൈവവചനമേ ദിവ്യ വിശേഷം

                പല്ലവി

ദൈവവചനമേ ദിവ്യ വിശേഷം

സര്‍വ്വദാ മോദമോടെ - അതില്‍

ദൈവമേ നോക്കുവാന്‍ കണ്ണെനിയ്ക്കേകുകേ

ജീവദയാപരനേ-

            ചരണങ്ങള്‍

                     1

കൂരിരുളില്‍ വഴിപോക്കനു നല്ല പ്ര-

കാശം തെളിച്ചുകാട്ടി - സദാ

നേരെതന്‍ വഴിനടത്തീടും മണിവിള-

ക്കേതിഹ ലോകമിതില്‍ - (ദൈവ..)

                     2

മേദിനിയില്‍ ധനധാന്യം നിറഞ്ഞുള്ള

ഭണ്ഡാര ശാലയേതു - ആത്മ

പൈദാഹമേറി വലഞ്ഞിടുന്നോര്‍ക്കൊരു

ഭേദമെന്യേ കൊടുപ്പാന്‍ - (ദൈവ..)

                     3

സ്വര്‍ഗ്ഗപുരം നോക്കി യാത്ര ചെയ്യു-

ന്നവര്‍ക്കൊക്കെയുമുള്ള മഹാ - നല്ല

യോഗ്യനാം മിത്രത്തെ തെറ്റുകൂടാതങ്ങു

കൂട്ടിക്കൊടുപ്പതെന്ത്‌? - (ദൈവ..)

                     4

ഉണ്ടൊരു വൃക്ഷമതിന്‍ഫലമെപ്പോഴും

കുണ്ഠിതനാം പാപിയിന്‍ - മഹാ

ഇണ്ടലകറ്റി സന്തോഷംകൊടുത്തീടു-

ന്നേതെതു ലോകമിതില്‍ - (ദൈവ..)

                     5

പാപത്താല്‍ നൊന്തു വലഞ്ഞിടും രോഗിക്കു

വൈദ്യനാമേശുവിനെ - കാട്ടി

രാപ്പകല്‍ കൂടിരുന്നാശ്വാസ വാക്കുകള്‍

ചോല്ലിക്കൊടുപ്പതെന്ത്‌? - (ദൈവ..)

                     6

എന്‍ വഴിക്കുള്ള മണിവിളക്കും സദാ

ജീവന്‍റെ ഭോജനവും - നല്ല

ജീവതെരുവിന്‍ സുഖമേകും ഫലമതും

നിന്‍വചനം പരനേ - (ദൈവ..)