എല്ലാം നന്മയ്ക്കായ് എന്‍റെ നന്മയ്ക്കായ്

സ്വര്‍ഗ്ഗത്തില്‍ നിന്നെന്‍ ചാരെ വന്നവന്‍

പ്രാണന്‍ തന്നെന്നെ വീണ്ടെടുത്തവന്‍ (2)

ദോഷമായിട്ടൊന്നുമെന്‍റെ താതന്‍ ചെയ്കില്ല (എല്ലാം..)

                            1

പ്രതീക്ഷകള്‍ പലതും തകര്‍ന്നീടുമ്പോള്‍

പ്രതികൂലമനവധി ഉയര്‍ന്നീടുമ്പോള്‍

സഹനത്തിന്‍ കയ്പ്പുനീര്‍ കുടിച്ചെന്നാലും

മാറായെ മാധുര്യമാക്കിടും താന്‍ (സ്വര്‍ഗ്ഗത്തില്‍ ..)

                            2

ഉലകച്ചൂടേറ്റു ഞാന്‍ വാടിപ്പോകാതെ

ഉയിര്‍ തന്നോരുടയവന്‍ തണലേകിടും

തലയിലെ മുടിയൊന്നു കൊഴിഞ്ഞെന്നാലും

നിര്‍ണ്ണയം അറിയുന്നോന്‍ എന്‍റെ ദൈവം (സ്വര്‍ഗ്ഗത്തില്‍ ..)

                            3

ക്രൂശിനു ശേഷമൊരുയിര്‍പ്പുള്ളതാല്‍

അനന്തരം മഹത്വത്തിന്‍ കിരീടമുണ്ട്

മണ്‍ കൂടാരം തകര്‍ന്നുടഞ്ഞെന്നാലും

കൃപയിന്നത്യന്ത നിക്ഷേപമുണ്ട് (സ്വര്‍ഗ്ഗത്തില്‍ ..)