പുലരിയില്‍ നിദ്രയുണര്‍ന്നങ്ങേ

പുലരിയില്‍ നിദ്രയുണര്‍ന്നങ്ങേ

പാവനസന്നിധിയണയുന്നു

കര്‍ത്താവേ നിന്‍ കരുണയ്ക്കായ്

നന്ദി പറഞ്ഞു നമിക്കുന്നു

                    1

മനുജകുലത്തിന്‍ പാലകനേ

വിനയമോടങ്ങയെ വാഴ്ത്തുന്നു

കൃപയും ശാന്തിയനുഗ്രഹവും

പാപപ്പൊറുതിയുമരുളണമേ.

                    2

പുതിയ ദിനത്തിന്‍ പാതകളില്‍

പാപികള്‍ ഞങ്ങളിറങ്ങുന്നു

വിനകളില്‍ വീഴാതഖിലേശാ

കൈകള്‍ പിടിച്ചു നടത്തണമേ

                    3

കണ്ണുകള്‍ നിന്നിലുറപ്പിച്ചെന്‍

ദിനകൃത്യങ്ങള്‍ തുടങ്ങുന്നേന്‍

വീഴാതെന്നെ നയിക്കണമേ

വിജയാനുഗ്രഹമേകണമേ

                    4

ദൈവപിതാവിന്‍ സൌഹൃദവും

സുതനുടെ കൃപയുമനുഗ്രഹവും

ദൈവാത്മാവിന്‍ പ്രീതിയുമെന്‍

വഴിയില്‍ വിശുദ്ധി വിതയ്ക്കട്ടേ (പുലരി..)