ഇത്രത്തോളം ജയം തന്ന ദൈവത്തിനു സ്തോത്രം

ഇത്രത്തോളം ജയം തന്ന ദൈവത്തിനു സ്തോത്രം

ഇതുവരെ കരുതിയ രക്ഷകനു സ്തോത്രം (2)

ഇനിയും കൃപതോന്നി കരുതിടണേ

ഇനിയും നടത്തണേ തിരുഹിതം പോല്‍ (2)

                               1

നിന്നതല്ല നാം ദൈവം നമ്മെ നിര്‍‌ത്തിയതാം

നേടിയതല്ലാ ദൈവം എല്ലാം തന്നതല്ലേ (2)

നടത്തിയ വിധങ്ങള്‍ ഓര്‍ത്തിടുമ്പോള്‍

നന്ദിയോടെ നാഥന് സ്തുതി പാടിടാം (2) (ഇത്രത്തോളം...)

                               2

സാധ്യതകളോ അസ്തമിച്ച് പോയപ്പോള്‍

സോദരരോ അകന്നങ്ങു മാറിയപ്പോള്‍ (2)

സ്നേഹം തന്നു വീണ്ടെടുത്ത യേശു നാഥന്‍

സകലത്തിനും ജയം തന്നുവല്ലോ (2) (ഇത്രത്തോളം...)

                               3

ഉയര്‍ത്തില്ലെന്ന് ശത്രുഗണം വാദിക്കുമ്പോള്‍

തകര്‍ക്കുമെന്ന് ഭീതിയും മുഴക്കിടുമ്പോള്‍ (2)

പ്രവര്‍ത്തിയില്‍ വലിയവന്‍ യേശുനാഥന്‍

കൃപ നല്‍കും ജയഘോഷം ഉയര്‍‌ത്തിടുവാന്‍ (2) (ഇത്രത്തോളം...)