വിശ്വാസത്തില്‍ എന്നും മുന്നേറും ഞാന്‍

ഞാന്‍ ഒട്ടും പിന്മാറുകില്ല വിശ്വാസച്ചുവടുകള്‍ മുന്നോട്ട് മുന്നോട്ട്

ആരെല്ലാം എതിര്‍ത്താലും എന്തെല്ലാം ഭവിച്ചാലും

പിന്മാറുകില്ലിനി ഞാന്‍ 

അധികാരത്തോടെ ഇനി കല്പിക്കും ഞാന്‍ പ്രതികൂലങ്ങള്‍ മാറിപ്പോകും

ഒന്നും അസാധ്യമായ്‌ ഇല്ലെന്‍റെ മുന്‍പിലിനി

ജയം എനിക്കുണ്ട്

                        1

അനര്‍ത്ഥമുണ്ടെന്നു ഞാന്‍ ഭയപ്പെടില്ല

തോല്‍വി വരുമെന്നും ഞാന്‍ ഭയപ്പെടില്ല (2)

ശത്രു ജയിക്കുമെന്നോ ഭാവി നശിക്കുമെന്നോ

ഇനിമേല്‍ ഞാന്‍ ഭയപ്പെടില്ല (2) (ഞാന്‍..)

                        2

ലോകത്തിനോ ഇനി ശാപത്തിനോ

പാപത്തിനോ ഞാന്‍ അധീനനല്ല (2)

സാത്താന്യ ശക്തിയിന്മേല്‍ ശാപബന്ധനത്തിന്മേല്‍ 

ജയം എനിക്കുണ്ട് (2) (ഞാന്‍..)

                        3

ആകുല ചിന്തയാല്‍ നിറയുകില്ല

ഭാരങ്ങളോര്‍ത്തിനി കരയുകില്ല (2)

തക്കസമയത്തെനിക്കെല്ലാമൊരുക്കുന്നവന്‍

ഒരിക്കിലും കൈവിടില്ല (2) (ഞാന്‍..)