സര്‍വ്വസൃഷ്ടികളുമൊന്നായ് പുകഴ്ത്തിടുന്ന

സര്‍വ്വസൃഷ്ടികളുമൊന്നായ് പുകഴ്ത്തിടുന്നസ്രഷ്ടാവിനെ സ്തുതിക്കും ഞാന്‍

ഈ ക്ഷോണിതലത്തില്‍ ജീവിക്കുന്ന നാളെല്ലാം

ഘോഷിച്ചീടും പൊന്നു നാഥനെ (2)

യേശു മാറാത്തവന്‍ യേശു മാറാത്തവന്‍

യേശു മാറാത്തവന്‍ ഹാ എത്ര നല്ലവന്‍

ഇന്നുമെന്നും കൂടെയുള്ളവന്‍

                        1

തന്‍റെ കരുണയെത്രയോ അതിവിശിഷ്ടം

തന്‍ സ്നേഹമാശ്ചര്യമേ

എന്‍ ലംഘനങ്ങളും എന്‍ അകൃത്യങ്ങളുമെല്ലാം 

അകറ്റിയ തന്‍റെ സ്നേഹത്താല്‍ (യേശു..)

                        2

രോഗശയ്യയിലെനിക്കു സഹായകനും

രാക്കാല ഗീതവുമവന്‍

നല്ല വൈദ്യനും ദിവ്യ ഔഷധവുമെന്‍

ആത്മ സഖിയും അവന്‍ തന്നെ (യേശു..)

                        3

തേജസ്സില്‍ വാസം ചെയ്യുന്ന വിശുദ്ധരൊത്ത്

അവകാശം ഞാനും പ്രാപിപ്പാന്‍

ദിവ്യ ആത്മാവാല്‍ ശക്തീകരിച്ചെന്നെയുംതന്‍

സന്നിധിയില്‍ നിറുത്തിടുന്നു (യേശു..)

                        4

സീയോനില്‍ വാണിടുവാനായ് വിളിച്ചു തന്‍റെ

ശ്രേഷ്‌ഠോപദേശവും തന്നു

ഹാ എന്തൊരത്ഭുതം ഈ വന്‍കൃപയെ ഓര്‍ക്കുമ്പോള്‍

നന്ദികൊണ്ടെന്‍ ഉള്ളം തുള്ളുന്നെ (യേശു..)