Embedded Files
We are doing a site revamp. Sorry for the inconvenience.
കര്‍ത്താവേ വന്നെന്നില്‍
ആത്മാവേ തന്നെന്നില്‍
ആവസിക്കെന്നുള്ളില്‍ എന്നാളും
ജീവനും ശക്തിയും ജ്ഞാനവും തന്നെന്നെ
ആത്മാവിന്‍ ഫലത്താല്‍ നിറയ്ക്ക..
1
തീ കത്തിക്ക എന്നില്‍ തീ കത്തിക്ക
അഗ്നിയായ്‌ എരിഞ്ഞുയരാന്‍ പരിശുദ്ധാത്മാവേ..
പാപങ്ങള്‍ ശാപങ്ങള്‍ ദോഷങ്ങള്‍ നീങ്ങിയെന്‍
ആത്മം-ദേഹം-ദേഹി ശുദ്ധമായ്‌ (2)
നിന്‍റെ ആലയമായ്‌ വസിപ്പാന്‍ (കര്‍ത്താവേ..)
2
വീശണമേ എന്നില്‍ വീശണമേ..
കാറ്റായ്‌ വീശണമേ.. പരിശുദ്ധാത്മാവേ..
ജീവന്‍റെ പാതയില്‍ സ്നേഹത്തിന്‍ പ്രഭയായ്‌
നന്മയിന്‍ സൌരഭ്യം തൂകുവാന്‍ (2)
തൃക്കരങ്ങളാല്‍ നയിക്കണമേ (കര്‍ത്താവേ..)
3
പകരണമേ എന്നില്‍ പകരണമേ
ഗിലെയാദിന്‍ തൈലം.. പരിശുദ്ധാത്മാവേ..
സൌഖ്യമായ്‌ ശാന്തിയായ്‌ സഹനമായ് സാക്ഷ്യമായ്‌
സാനന്ദം നിന്‍ സ്തുതി പാടുവാന്‍ (2)
നിന്‍ മഹത്വത്തില്‍ നിറഞ്ഞീടുവാന്‍ (കര്‍ത്താവേ..)
4
പെയ്യണമേ എന്നില്‍ പെയ്യണമേ
മഴയായ്‌ പെയ്യണമേ.. പരിശുദ്ധാത്മാവേ..
എരിയും മരുവില്‍ കനിവിന്‍ കരമായ്‌
ദാഹത്തിന്‍ ജലമായ്‌ ഒഴുകാന്‍.. (2)
ആത്മമാരിയാല്‍ നിറയ്ക്കണമേ.. (കര്‍ത്താവേ..)
Google Sites
Report abuse