പ്രാര്‍ത്ഥന കേള്‍ക്കണമേ

                പല്ലവി

പ്രാര്‍ത്ഥന കേള്‍ക്കേണമേ - കര്‍ത്താവേയെന്‍

യാചന നല്‍കേണമേ

            ചരണങ്ങള്‍

                     1

പുത്രന്‍റെ നാമത്തില്‍ - ചോദിക്കും കാര്യങ്ങള്‍ -

ക്കുത്തരം തന്നരുളാ-മെന്നുള്ളൊരു

വാഗ്ദത്തം പോല്‍ ദയവായ് - (പ്രാര്‍ത്ഥന..)

                     2

താതനും മാതാവും - നീ തെന്നെയല്ലാതെ

ഭൂതലം തന്നിലില്ലേ- വേറാരുമെന്‍

ആതങ്കം നീക്കിടുവാന്‍ - (പ്രാര്‍ത്ഥന..)

                     3

നിത്യതയില്‍ നിന്നു-ള്ളത്യന്ത സ്നേഹത്താല്‍

ശത്രുതയെയകറ്റി - എനിക്കു നീ

പുത്രത്വം തന്നതിനാല്‍ - (പ്രാര്‍ത്ഥന..)

                     4

സ്വന്തകുമാരനെ-യാദരിയാതെന്മേല്‍

സിന്ധുസമം കനിഞ്ഞ സംപ്രീതിയോര്‍ -

ത്തന്തികേ ചേര്‍ന്നിടുന്നേന്‍ - (പ്രാര്‍ത്ഥന..)

                     5

ഭൃത്യരനേകരിന്‍ - പ്രാര്‍ത്ഥന കേട്ടു നീ

ഉത്തരം നല്‍കിയതോ-ര്‍ത്തത്യാദരം

തൃപ്പാദം തേടീടുന്നേന്‍ - (പ്രാര്‍ത്ഥന..)

                     6

കള്ളന്‍റെ യാചന - കേട്ടുള്ളലിഞ്ഞ നിന്‍

തുല്യമില്ലാ ദയയോ-ര്‍ത്തിതാ വന്നേന്‍

നല്ലവനേ സദയം - (പ്രാര്‍ത്ഥന..)

                     7

യേശുവിന്‍ മൂലമെന്‍ - യാചന നല്‍കുമെ-

ന്നാശയില്‍ കെഞ്ചീടുന്നേ-നല്ലാതെന്നില്‍

ലേശവും നന്മയില്ലേ - (പ്രാര്‍ത്ഥന..)

(തോടി - ആദിതാളം

"യേശുമഹേശനെ ഞാന്‍" - എന്ന രീതി)

Album: ദിവ്യ ഹൃദയം

Lyrics: റ്റി. ജെ. വര്‍ക്കി