ഒരിക്കലും മറക്കുവാന്‍ കഴിയാതെ യേശുവിന്‍ സാന്ത്വനം മനസ്സില്‍
ഒരിക്കലും മറക്കുവാന്‍ കഴിയാതെ
യേശുവിന്‍ സാന്ത്വനം മനസ്സില്‍ (2)
എത്രയോ ധന്യം എന്‍റെ ജന്മം
എങ്ങനെ ചൊല്ലും നന്ദി നാഥാ
എന്നെയും കൈക്കൊണ്ടു നീ
ജീവനില്‍ സ്നേഹമായ്‌ മാറി (ഒരിക്കലും..)
1
അപരാധങ്ങള്‍ മൊഴിയും ആധരം
അപദാനങ്ങള്‍ വാഴ്ത്തുകയായി (2)
തിരുനാമത്തിന്‍ നവചൈതന്യം
ഹൃദയം പടരുകയായ്‌
കാരുണ്യത്തിന്‍ പ്രഭയാല്‍
കരളില്‍ ഉദയം നല്‍കി (2) (ഒരിക്കലും..)
2
കര ചേര്‍ത്തെന്‍റെ ഉലയും തോണി
കദനക്കടലില്‍ അലയുമ്പോള്‍ (2)
നിരുപമമാകും തെളിനീരുറവായ്‌
നൊമ്പരമേകും വന്‍ മരുഭൂവില്‍
വാത്സല്യത്തോടരികില്‍
വിളിച്ചൂ കണ്ണീര്‍ മാറ്റി
വിളിച്ചെന്‍റെ കണ്ണുനീര്‍ മാറ്റി (ഒരിക്കലും..)