ദേവാ! ത്രിയേക യഹോവാ!
ദേവാ! ത്രിയേക യഹോവാ!
താ നിന്നാത്മനെ ദേവാ!
താ യേശുവിന്‍ നാമത്തില്‍ താ
എന്നാത്മം ജീവിച്ചീടാന്‍
താ താ പരാ! നീ!
നിന്നാത്മാവിനെ ഇപ്പോള്‍
വാഗ്ദത്തം ചെയ്ത പോലിന്നു
പെന്തെക്കോസ്താത്മനെ!
1
ചത്തവര്‍ ജീവിച്ചിടാനും
ചാകാറായോര്‍ പിഴപ്പാന്‍
ചാകാഞ്ഞോര്‍ ശക്തിപ്പെടാനും
താ! ദേവാ! ജീവാത്മനെ - (താ..)
2
കല്‍നെഞ്ചിളക്കി പാപങ്ങള്‍
വേരോടെ അറ്റിടാനും!
നിന്‍ വചനം ഹൃദി തങ്ങി
നല്‍നിലം പോല്‍ വിളയാന്‍ - (താ..)
3
പാപത്തിനു മരിപ്പാനും!
ക്രിസ്തുവില്‍ ജീവിപ്പാനും
ക്രിസ്തുവോടു കുഴിച്ചിട്ടു!
കൂടെ ഉയിര്‍ത്തിടാനും! - (താ..)
4
ക്രിസ്തുവിന്‍ സ്നേഹത്തെ ഓര്‍ത്തു!
ക്രിസ്തുവിനെ സ്നേഹിപ്പാന്‍!
ക്രിസ്തുവിന്‍ വാക്കുകള്‍ കേട്ടു!
ക്രിസ്തുവിന്‍ പിന്‍നടപ്പാന്‍ - (താ..)