നരര്‍ രക്ഷപ്പെടുവാന്‍-തിരുജീവന്‍ വെടിവാന്‍

നരര്‍ രക്ഷപ്പെടുവാന്‍-തിരുജീവന്‍ വെടിവാന്‍

ധരണിയില്‍ യേശുദേവന്‍-വന്നാന്‍ വന്നാന്‍- നെഞ്ചേ

                            1

വാനത്തില്‍ രാജന്‍-സേനകള്‍ക്കീശന്‍

ജ്ഞാന-സല്‍ഗുരു നാഥന്‍-വന്നാന്‍ വന്നാന്‍- നെഞ്ചേ

                            2

ദൈവ പിതാവിന്‍-ദിവ്യകുമാരന്‍

ഭൂവില്‍ തന്‍ഹിതം ചൊല്ലാന്‍-വന്നാന്‍ വന്നാന്‍- നെഞ്ചേ

                            3

മൃത്യു ഇല്ലാത്തോന്‍-നിത്യനും ആയോന്‍

മര്‍ത്യനായ് പാരിടത്തില്‍-വന്നാന്‍ വന്നാന്‍- നെഞ്ചേ

                            4

ശാപങ്ങള്‍ തീര്‍പ്പാന്‍-വാഴ്വെങ്ങും ചേര്‍പ്പാന്‍

ദേവന്‍ മനുഷ്യനായി-വന്നാന്‍ വന്നാന്‍- നെഞ്ചേ

                            5

ആശയ്ക്കു യോഗ്യന്‍-യേശു എന്‍ പ്രീയന്‍

മോശ നാശങ്ങള്‍ തീര്‍പ്പാന്‍-വന്നാന്‍ വന്നാന്‍- നെഞ്ചേ