വിശ്വം ചമച്ച വചനമേ വിശ്വത്തിന്‍ ദീപമാം വചനമേ

വചനം തിരുവചനം യേശുവിന്‍റെ വചനം

ശാന്തി നല്‍കും ശക്തി നല്‍കും മുക്തി നല്‍കും വചനം (2) (വിശ്വം..)

                                1

എന്‍റെ പാതയ്ക്കെന്നും വെളിച്ചമാകും വചനമേ

എന്‍റെ കാലിനെന്നും ദീപമാകും വചനമേ (2)

നിന്നനന്ത ജ്ഞാനത്താല്‍ എന്നെ

നിത്യം നിറച്ചു നീ വഴി നടത്തണേ (2) (വചനം..)

                                2

എന്‍റെ ജീവിതത്തിലെന്നും ഭാഗ്യമാകും വചനമേ

എന്‍റെ വായില്‍ തേനിന്‍ മധുരമേകും വചനമേ (2)

നിന്‍റെ ദിവ്യ ശബ്ദത്താല്‍ എന്നെ

മോദമായ്‌ നടത്തണേ നിത്യ ജീവനായ്‌ (2) (വചനം..)