വന്ന വഴികള്‍ ഒന്നോര്‍ത്തിടുകില്‍
വന്ന വഴികള്‍ ഒന്നോര്‍ത്തിടുകില്‍
ഇന്നയോളം നടത്തിയ നാഥാ
നന്ദിയല്ലാതില്ലൊന്നുമില്ല
എന്നും കരുതലില്‍ വഹിച്ചവനേ (2) (വന്ന..)
1
ബഹു ദൂരം മുന്നോട്ടു പോകാന്‍
ബലം നല്കി നീ നടത്തി (2)
തളര്‍ന്നോരോ നേരത്തിലെല്ലാം
തവ കരങ്ങള്‍ ആശ്വാസമായ്‌ (2) (വന്ന..)
2
നന്മ മാത്രം ഞങ്ങള്‍ക്കായ് നല്കി
നവ്യമാക്കി ഈ ജീവിതം (2)
നാവിനാല്‍ കീര്‍ത്തിച്ചിടുവാന്‍
നാള്‍ മുഴുവന്‍ കൃപ കാട്ടി നീ (2) (വന്ന..)
3
ഓടി മറയും നാളുകള്‍ എല്ലാം
ഓര്‍പ്പിക്കുന്നു നിന്‍ കാരുണ്യം (2)
ഓരോ ജീവിത നിമിഷങ്ങള്‍ എല്ലാം
ഓതിടുന്നു തവ സാന്നിദ്ധ്യം (2) (വന്ന..)
4
മനോ വ്യഥകള്‍ നീ എന്നും കണ്ടു
മനസ്സലിഞ്ഞു ദയ കാട്ടി നീ (2)
ഇരുളേറും പാതയില്‍ എല്ലാം
ഇതു വരെയും താങ്ങിയല്ലോ (2)