ശുദ്ധാത്മാവേ വന്നെന്നുള്ളില്‍ വാസം ചെയ്യണേ

                        പല്ലവി

ശുദ്ധാത്മാവേ വന്നെന്നുള്ളില്‍ വാസം ചെയ്യണേ

സത്യാത്മാവേ നിത്യതയിലെത്തുവോളവും

                    അനുപല്ലവി

ജീവനൂതുക ജീവദായകാ

ജീവനാളമായ്‌ എരിഞ്ഞുതീരുവാന്‍

                    ചരണങ്ങള്‍

                             1

പാപം നീതി ന്യായവിധി ബോധമേകിടാന്‍ - ഈ

ശാപഭൂവില്‍ പെന്തക്കോസ്തില്‍ വന്നൊരാവിയെ (ജീവനൂതുക..)

                             2

അംബരത്തില്‍ നിന്നിറങ്ങി അഗ്നിനാവുകള്‍

അന്‍പോടമര്‍ന്നെല്ലാരിലും ശക്തിനാമ്പുകള്‍ (ജീവനൂതുക..)

                             3

രണ്ടോ മൂന്നോ പെരെവിടെ എന്‍റെ നാമത്തില്‍ 

ഉണ്ടവിടെയുണ്ട് ഞാനെന്നേകി വാഗ്ദത്തം (ജീവനൂതുക..)

                             4

കല്ലായുള്ള ഹൃദയങ്ങളുരുക്കീടണേ

ഹല്ലേലുയ്യാ ഗീതം പാടാനൊരുക്കീടണേ (ജീവനൂതുക..)